💥 බැද්දේ කුමරිය දෙවන ඇරඹුම💥

💥බැද්දේ කුමරිය දෙවන ඇරඹුම 💥

(හතරවන කොටස 4)

සුනිලා ඇගේ ගමේ ගෙදර නවත්වා මම නැවත කොළඹ විත්, මගේ

පරණ බෝඩිමට යන කල ,සිරිදාසට කොළඹින්, කළුතරට මාරුවක් ලැබි කළුතර නවතින්න ගියබව දැනගන්නට ලැබින. බෝඩිම් අයිතිකාරිය කිව් ලෙස ,සිරිදාසගෙ හා ජයන්තිගේ විවාහය ලඟදිම සිදු වන්නට නියමිත බවත් දැනගන්නට ලැබින . මට මඟුල් නොකිව්වත්, සිරිදාස හා ජයන්ති කසාද බැද සතුටින් ඉන්නවා,දැකිම මගේ කැමැත්ත සතුට විය.

"සිරිදාස මහත්තයා ලබන මාසේ මුල කසාඳ බදින්න හදන්නේ....අපටත් මඟුල් කියනවා කිව්වේ.....කළුතර ගොඩක් පෝසත් බිස්නස් කාර පවුලකින්ලු කසාද බදින්නේ.....අනේ වාසනාවන්....! සිරිදාස මහත්තයා ඉස්කෝලේන් අස්වෙච්ච දවස්වල ඉදන් මේ බෝඩිමේ තමයි දිගටම හිටියේ, ලොකු දෙයක් යමක් කමක් තියෙන තැනකින් කසාඳ බැදලා පිලිවෙලක් වෙන්න හිතපු එක...."

"එහෙමද.... ලබන මාසේ කසාඳ බදිනවා කිව්වද...? මාත් දන්න තැනකින් තමයි සිරිදාස කසාඳ බදින්න හදනේ....., ලඟදිම දවසක සිරිදාස හම්බවෙලා කළුතර විස්තර ටිකක් අහගන්න ඕනේ....."

"මේ සති අන්තයේ සිරිදාස මහත්තයා බෝඩිමේ තියෙන ඇදුම් පැලදුම් ඇරගෙන යන්න කොළඹ එනවා කිව්වා සුමල් මහත්තයා , ඒ ආවහම සුමල් මහත්තයාට එයාගෙන් මඟුලේ විස්තර දැනගන්න පුලුවන් වෙයි...."

සුනිලා ඇගේ ගමේ නවත්වා විත්, මම නැවත මගේ පරණ බෝඩිමේ තනියම ජීවත් වෙන්න පටන් ගත්තේ, මගේ පඩියට ගැලපෙන ලෙස ජීවත් විය යුතු බැවින්......මීට අවුරුදු තුනක කාලයක සිට, මට මගේ රැකියාවෙන් ලැබෙන පඩියට අමතරව , තාත්තාගෙන් ගෙදර වත්තේ පොල් මුරය කැඩුවාහම ලැබුන මුදල, වගේම වත්තේ පොල් දෙල් මාලු කරවල ආදිය සියල්ල මේ වන විට මට නැතිවි ගොස් තිබින. දැන් මට මගේ කියන්න ඉතිරිවි ඇත්තේ බෝඩිමේ ඇති මගේ ඇදුම් පැලදුම් ටිකට අමතරව මට මාසපතා ලැබෙන රජයේ වේතනය පමණි. සුනිලා ලබාගන්නට ගොස් මට මගේ තාත්තා අක්කා, නෑදෑයෝ යාලුවො ගෙවල් දොරවල්, දේපළ , අමතර ආදායම් සියල්ල නැතිවි ගොස් ඇත. ගැහැනියකගේ ආදරය ලබා ගන්නට ගොස් මට සිදුවුන හදියක්....මට දැන් නැවත තාත්තා අක්කා , මගේ දරුවා බලන්වත් ගමේ යෑමට නොහැකි වි ඇත්තේ ගෙදර අයගේ අකමැත්තෙන් , මට හිමිවිමට තිබු දේපළ වලට පයින්ගසා මම මට ආදරය කරන ගැහැනියක් සොයා යෑමය....

"සුමල් මහත්තයාගේ අක්කගෙ මහත්තයා දවසක් කොළඹ ඇවිත් මහත්තයාගේ විස්තර ඇහුව්වා, මම කිව්වා දැන් මේ බෝඩිමේ නෙමේ ඉන්නෙ කියලා ....ආවොත් දෙන්න කියලා මේ ලියුම දීලා ගියා සුමල් මහත්තයා ...."

"එහෙමද කවද්ද ආවේ...? එහෙනම් දෙන්න බලන්න ලියුම , ගමේ ගෙදර ආරංචි මොනවද දන්නේ නෑ...."

" සුමල් මහත්තයාගේ අක්කා නම් කේන්තියෙන් ඉන්නෙ කිව්වා මහත්තයා ආයෙත් කාටවත් නොකියා කසාදයක් කරගත්ත නිසා...."

"මම කසාඳ බැද්න්දෙ මම ආදරය කරන කෙනානේ...ඒකට කවුරුත් අකමැති වෙන්න ඕන නෑනේ...."

"එහෙම නෙමේ මහත්තයා , තමන්ව හැදුවැඩු දෙමව්පියන් සහෝදරියන් අමතක කරලා , වෙන ගෑනු ලොකු කරගන්න හොද නෑනේ....මෙන්න මහත්තයාගේ මස්සිනා දීලා ගිය ලියුම ...."

"බොහොම ස්තුතියි ....එහෙනම් මම කාමරයට යන්නම්....."

මම විගහට මගේ පරණ බෝඩිම් කාමරයට ගොස් ශාන්ත අය්යා බෝඩිම් අයිති කාරියට ලියා දි ගොස් තිබුන ලියුම දිග ඇරගෙන කියවන්න පටන් ගත්තෙමි .

ආදර සුමල් මල්ලි වෙත,

මල්ලි, සුනිලා සමග සැපෙන් සනීපයෙන් ඇතැයි සිතමි. අපේ ගෙදර අය හැමෝම, මල්ලි තනි කැමැත්තට සුනිලා කසාද බැදපු එක ගැන තවමත් කේන්තියෙන් දුකෙන් පසු වෙති. පහුගිය මාස දෙක ඇතුලත අපේ ගෙවල් වල මහා ගොඩක් සිදුවිම් සිදුවිය.

මල්ලි නැවත කසාද බැදපු බව ආරංචි වි, මාලනිගේ දෙමව්පියන් පැමිණ, ඔයාගෙත් මාළිගෙත් දරුවා අපෙන් ඉල්ලාගෙන නැවත කළුතර රැගෙන ගියේය. අපට දරුවා ගැන කතා කරන්න අයිතියක් නැති නිසා දරුවා ඔවුන්ට භාර දීමට සිදුවිය . ඔවුන් දරුවා කළුතර රැගෙන ගොස් හොදින් බලාගෙන ලොකු මහත් කරන බව පැවසුවෝය. දරුවා තව ලොකු උනාම කළුතර ලොකු පාසැලක බෝඩිමක නවත්වා උගන්වන බවද කිවෝය. ඔයාගෙ දරුවාගේ අයිතිය දැන් තනිකරම ඔවුන්ට අයිති වි ඇත. මාලනිගේ දෙමව්පියන් දරුවා වෙනුවෙන් වැඩකාරයෙක් කුලියට ගෙදර නවත්වාගෙන දරුවා හදන බව පැවසිය. ඔවුන් සියල්ලෝ , මාලනිගේ දේපළ පිටයයි කියා බයේ එසේ කරන බව අපි සියල්ලන්ටම හොදින්ම තේරේ.....නමුත් දරුවාගේ අනාගතය ගැන මල්ලිට දුක්වීමට දෙයක් නැත. ඔහුව හැමෝම හොදින් බලාගෙන පරිස්සම් කරන බව නම් විශ්වාසය. මල්ලිට දරුවා ගැන වදවීමට අවශ්‍ය නැත. ඒ බව ඔබට කීමට අවශ්‍ය නිසාමයි මම මේ මල්ලි හමුවිමට කොළඹ ආවේත්. අක්කා තාත්තා තවමත් ඔයා සමග බොහෝ කේන්තියෙන් පසුවෙති . එබැවින් දැන්ම ගමේ එන්නට එපා.

ලබන මාසයේ ජයන්ති ,සිරිදාසව කසාඳ බදින්න දැන් සියල්ල සුදානම්ය. සිරිදාස කොළඹින් ,කළුතර කන්තෝරුවකට මාරුවක් ගෙන ,දැන් මාලනිගේ ගෙදර නැවති අලුත් කන්තෝරුවේ වැඩට යන්නේය. සිරිදාසට දැන් බොහොම ජයය. සිරිදාස ජයන්තිව කසාඳ බැන්දට පසු ජයන්තිත් මාලනිගේ ගෙදර නැවතීමට එන්නට සියල්ල දැන් සුදානම් කර ඇත. සිරිදාස මාලනිගේ දෙමව්පියන්ගෙ හොදහිත දිනාගෙන ඒ ගෙදර අයගේ වතුපිටි බලාගන්නා වැඩටත් දැන්ම තියා උදව් කරගෙන හොදින් එහෙ ජීවත් වන්නේය. මල්ලිට ඒ වාසනාව නැති විම ගැන අක්කා හා තාත්තාගේ දුක් කනස්සල්ලට හේතුව වි ඇත. මල්ලි දැන්ම ගම ඒමට අවශ්‍ය නැත. තව කාලයක් ගිය පසු, තාත්තගෙ හා අක්කාගේ කේන්තිය නිමෙන තෙක් ඉදම ගම එන්න. නැත්නම් නිකරුණේ මල්ලිගෙ හිත සවුත්තු කරගෙන යන්නට සිදු වෙනු ඇත.

එහෙනම් මට පුලුවන් වෙලාවක මල්ලි බලන්න නැවත කොළඹ එන්නම්. සුනිලා සමග සැපෙන් සනීපයෙන් ඉන්න. ඔබ දෙදෙනාට තෙරුවන් සරණයි ....

මීට මස්සිනා

ශාන්ත අය්යා.

ශාන්ත අය්යාගේ දිග ලියමන ඇතුළත මට දැනගන්නට අවශ්‍ය වි තිබුන සියල්ල අඩංගු වි තිබින. මගේ අක්කාගේ භාරයේ සිට් මගේ දරුවාව, මාලනිගේ දෙමව්පියන් නැවත කළුතර රැගෙන ගිය බව දැනගන්නට ලැබීම , මගේ හිත රිදවන ආරංචියක් විය. අක්කාගෙ දරුවන් සමග හොදින් හැදුන දරුවා දැන් මාලනිගේ කළුතර විශාල ගෙදර වැඩකාරියකගේ භාරයේ හැදිමට ගෙනයාම කනගාටුදායක කරුනකි. නමුත් මාලනිගේ සියලු දේපළ වලට හිමිකාරයා වන ඔහුව, හැමෝම හොදින් පරිස්සමට බලාගන්නා බව නම් අනිවාර්යයෙන්ම සිදුවන නිසා, මට ඒ ගැන දුක්විමට අවශ්‍ය නැති බවත් මට වැටහේ. නමුත් මට මගේ දරුවා නැවත කාලයකට බලන්න යන්න , දකින්න නොලැබෙන එක ගැන ඇතිවන්නේ කනගාටුවකි. මගේ අක්කාගෙ ගෙදර හැදුන මගේ දරුවා ,දැන් ඒ ගෙදර නැති නිසා, නැවත මට ආයෙත් අක්කාව, බලන්න ගම යන්න අවශ්‍ය තාවයක්, ලඟදිම ඇති නොවනු ඇත. .එබැවින් අක්කා හා තාත්තාගේ හිතේ මා ගැන ඇති කේන්තිය නිමෙන තෙක් මට ගමේ යන්නට අවශ්‍ය නොවනු ඇත..... මින් පසු මට මගේ ගම, තාත්තා ,අක්කා , මස්සිනා , මගේ දරුවා අමතක කරදමා සුනිලා සමග හොද විවාහ දිවියක් ගත කිරිමට පුළුවන් වනු ඇත....

"සුමල් මහත්තයා , මහත්තයාගේ මස්සිනා ඇහුව්වා, තාම මහත්තයාට ආන්ඩුවේ නිල නිවාසෙ ලැබුනෙ නැද්ද කියලා...?

"ඒක තමයිනේ....මම මට කලින් ලැබිලා තිබුන ගෙදර භාර දුන්න නිසා ආයෙත් කාලයක් යයි නිල නිවාසයක් ලැබෙන්න...."

"එතකොට මහත්තයාගේ නෝනා ගමේද මේ දවස්වල ඉන්නේ...."

"ඔව් එයාව මම ගමේ ගිහින් බස්සලා ආවා....නිල නිවාසය ලැබෙනකම් එයා ගමේ ඉන්න කැමතියි . එයාගේ නෑදෑයෝ යාලුවො හැමෝම ගමේ ඉන්න නිසා පාළුවක් නෑ,..... සුනිලට එහෙ එයාගෙම කියලා ගෙයක් තියෙනවා....මම ඉතිං මාසෙ අන්තිමට පඩි ගත්තහම ගමේ ගිහින් එයාව බලලා එන්න යන්නවා...."

"අනේ අපෝ කළබලේ කසාඳ බැන්දට මොකද දෙන්නට එකට ඉන්නට වාසනාව නැති උනානේ...."

"මේ බෝඩිම් වල සුනිලව ගෙනත් නවත්තගෙන ඉන්නත් බෑනේ අක්කා ....නිල නිවාසය හම්බුන ගමන් කොළඹ එක්ක එනවා...."

සුනිලා ගමේ නවත්වා ආ මම සුපුරුදු පරිදි බෝඩිමේ නැවති , බෝඩිම් අයිතිකරිගෙන් තුන් වේලට කෑම කමින් මගේ පරණ සුපුරුදු ජීවිතයට ඇතුලත් විය. සිරිදාස සමග බෝඩිමේ නැවති සිටි කාලයේ අප දෙදෙනා එකට එකතුවි උයාගෙන කෑවත්, මම දැන් ඒකට කම්මැලි වි ඇත . එබැවින් මම බෝඩිම් අයිතිකාරියගෙන් තුන් වේලටම කෑම ගන්නෙමි .

ඉඩ ලැබෙන ලෙස, ආන්ඩුවේ නිවාඩු දිනට, සතිඅන්තයට, මගේ මාසේ පඩිය ලැබුන විට සුනිලා බලා ඒමට ගමේ යන්නෙමි. ඒ යන විට, කොළඹ කෑම බීම, ඇදුම් පැලදුම් රැගෙන ගොස් සුනිලා බලා ඇයත් සමග ගමේ ගෙදර නැවති හිද එන්නට මම පුරුදු පුහුණු විය. අපේ ඒ විවාහ ජීවිතය එසේ ගත කරන්නට, අමනාපකම් නොපෙන්වාම, සුනිලාද ඉක්මනින් පුරුදු පුහුණු වි ඇත.

-නැවත හමුවෙමු -

*ප්‍රිසිලා ගොඩහේවා *