🌏කොන්ත්‍රාත්තුව🌏 ( 35 වන කොටස)

ඇන්ජලා හා ටෙරික්ගෙ දරු කලලය, මගේ කුසේ තැන්පත් කර, ගෙවුනු මාස නමයහමරකට වැඩි කාලයක් නිමා කරමින්, මම ඔවුන්ගේ දරුවා මෙලොවට බිහි කර තිබුනෙ මට දැනීමක් නොමැතිවමය..... මම සීසර් සැත්කමකට භාජනය වී දරුවා බිහි කර තිබුනෙමි.

ගෙදර අයට තිබුනු අඟහිඟකම් තාත්තාගේ අසනීපය හා මට ඇතිවුන මුදල් තන්හාව නිසාත්, නොදන්නා කොන්ත්‍රාත්තුවකට අත්සන් කර මම දැන් අමාරුවෙ වැටි ඇත..... සියල්ල අවසානයේ අම්මා තාත්තා නැති දරුවෙක්ට, තනි මවක් වි මා දැන් රෝහල් කාමරයක ඇදක සතපා ඇත....

" මේ අම්මට මුකුත් අමාරුවක් එහෙම නෑනේ....දැන් ටිකකට ඉස්සරනේ සිහිය ආවේ, ඒ නිසා තව පැය ගානක් නිදි මත ගතිය තියෙයි...... නර්ස්ලා, ඩොක්ටර්ස්ල හැමෝම මට දැන් අම්මා කියා අමතයි..... කාගෙදෝ දෙන්නෙක්ගෙ දරුවෙක් නිසා, මම දැන් ඒ දරුවාට අම්මෙක් වි ඇත.....

"ලොකු දුවේ උඹට කොහොමද දැන් ....අපි මෙච්චර වෙලා ඉස්පිරිතාලේ මේ කාමරේටම වෙලා බලන් හිටියා උබව ඔපරේෂන් කාමරෙන් එළියට ගේනකම්....අන්න තාත්තත් ඇවිත් උබේ දරුවා බලන්න.... . ඒ මනුස්සයා ඉතිං පපුව පැලෙන්න තරම් දුකකින් ඉන්නෙ, උඹ කසාද නොබැද දරුවෙක් හදා ගත්තා කියලා ...."

මගේ තාත්තාද මගෙ, තාත්තෙක් නැති දරුවා බලන්න ඉස්පිරිතාලේට ඇවිත් ඇත.... මගෙ මව හා පියා මා ගැන බොහෝ දුකෙන් සිටින බවත්, ඔවුන්ට මම මේ කරගත් දෙය නිසා, ගමට මුහුණ දීමට බැරි බවකින් පෙලෙමින් සිටින බවත් මම දනිමි..... කසාද නොබැදපු ගෑනු දරුවෙක් ,විවාහ නොවි දරුවෙක් බිහිකරනවා කියන්නේ, දෙමව්පියන්ට, බොහෝ ලැජ්ජාවට කරුනක් බව මම දනිමි.... , ගමේ මිනිස්සුන්ට මගේ දෙමව්පියන්ට මුහුණ දීමට නොහැකි තත්ත්වයක් ඇතිකල මම, මටවත් මිනිසුන්ට මුහුණ දීමට නොහැකි තත්ත්වයක් ඇති කරගෙන ඇත.....

"අම්මේ කෝ මගෙ දරුවා...තාම මට පෙන්නුවෙත් නෑනේ.....ඇයි දන්නෙ නෑ.....අනේ අම්මේ, දරුවට කරදරයක් දන්නෙ නෑ...."

"අනේ දන්නෙ නෑ ලොකු දුවේ, දරුවට කරදරයක් නැත්නම්, මේ වෙනකොට, අම්මා ලඟට දරුවා ගෙනත් දෙන්න ඕනේ ...?"

" නර්ස් නෝනේ,....ඇයි දන්නෙ නෑ අපේ දුවගෙ දරුවාව තවම කාමරයට ගෙනාවේ නැත්තේ....?

"දොස්තරවරු තාම බබාව පරික්ශා කරනවා ඇති.....වෙන අම්මලාට නම් මේ වෙලාව වෙනකොට, දරුවට කිරි පොවන්න ගෙනත් දෙනවා..."

"අන්න ලොකු දොස්තර මහත්තයා එනවා ...."

"ආ....කොහොමද මේ අම්මට දැන්...? දරුවා අම්මා ලඟට ගේන්න තව පරක්කු වෙයි....විශේඥ්ඥ දොස්තර වරු තවම දරුවව පරීක්ශා කරනවා.... මම මේ ආවේ, මේ අම්මට කියන්න කියලා ...., පරික්ශන කටයුතු ඉවර උනාම දරුවා අම්මා ලඟට ගෙනේවී...."

"අනේ දොස්තර මහත්තයෝ අපේ කෙල්ලගෙ දරුවට කරදරයක්ද...?

"මට හරියටම පරික්ශන කටයුතු ඉවර වෙනකම් ඒ ගැන කියන්න බෑ.....දැනට දරුවගෙ "ඇලිබවක් එහෙමත් නැත්තම් Albinism කියන ජානමය තත්ත්වයක් උඩ දරුවා ඉපදිලා කියලා තමයි දොස්තර වරුන් අනුමාන කරන්නේ....,තවම පරික්ශන කටයුතු ඉවර නෑ ඒකයි තවම දරුවා අම්ම ලඟට ගේන්න පරක්කු...."

"අනේ දොස්තර මහත්තයෝ, මගේ කෙල්ලගෙ දරුවට ලොකු අඩුපාඩු තියෙනවද...?

"උපතින්ම ඇතිවුන තත්ත්වයක් තමයි.... ජානමය තත්ත්වයක් නිසා ඇති වෙන්න ඇති කියලා දොස්තර වරු හිතන්නේ...... ඒ කිව්වෙ හොඳ කරන්න හෝ වෙනස් කරන්න බැරි දෙයක්..... දෙමව්පියන්ගෙන්, සහ උපත ලබන භූගෝලීය පරිසරයේන් අනෙක් අයට වඩා වෙනස් වීම් මත මේ දරුවා ඉපදිලා කියලා හිතන්නේ.....දරුවගෙ වර්ධනයත් එක්ක මෙලනින් නිෂ්පාදනය අඩුවෙන් සිදුවීම නිසා මේ තත්වය ඇතිවෙන්න ඇති කියලයි දොස්තර වරු අනුමාන කරන්නේ...."

"අනේ....අම්මේ මගේ දරුවා...."

"අනේ දුවේ....තාත්තෙක් නැති උනත් උඹේ කුළුදුල් දරුවා....මොනවා හරි කරදරයක් වෙයිද...දරුවට...?😓

########

* මේ අතර ඇන්ජලා හා ටෙරික්*

ඇන්ජලා හා ටෙරික් ඔවුන්ගේ දරුවාගේ කලලය, හංසනීගෙ කුසේ තැන්පත් කර ඔවුන්ගේම දරුවෙක් සාදාගන්න බලාපොරොත්තුව ඇතිව සිටියත්, ඔවුන් ඒ වෙනුවෙන් විශාල මුදල් ප්‍රමානයක් වියදම් කලත්...., ඔවුන් සිතූ දේ ඔවුන්ට කරගැනිමට නොහැකි විය.

"අපි අපේ අම්මලා තාත්තලා, යාළුවෝ ඔක්කොටම කියලනේ ලංකාවට ගියේ, ලංකාවේ හැදෙන අපේ දරුවා ඇරන් අපි එංගලන්තයට යනවා කියලා.... ,ඊටත් එංගලන්තයේ ඉන්න මගේ නෑදෑයින්ට මම කිව්වේ අපේ බබා හම්බවුන ගමන් අපි එංගලන්තයට එනවා කියල....ඒගොල්ලෝ දන්නෙ නෑනේ, අපේ ළමයා වෙන කෙනෙක් මාර්ගයෙන් හදාගන්න ගියේ කියලා .....ඒ ගොල්ලෝ හිතන්නේ, අපි කසාඳ බැන්දට පස්සේ, ඔයා ප්‍රෙග්නට් නිසා එංගලන්තයට යන ගමන අපි කල්දදා හිටියා කියල.....දැන් බබා හම්බුනාට පස්සේ අපි එංගලන්තයට එනව කියලා තමයි ඒගොල්ලෝ හිතන් ඉන්නේ....... ඒ නිසා අපි කාටවත් නොතේරෙන්න, ළමා මඩමක ඉන්න අනාත දරුවෙක් අරන් එංගලන්තයට යමු....කවුරුත් එතකොට දන්නෙ නෑනේ මේ උන කතන්දර.....අපි ළමා මඩමක ළමයෙක් හදා ගමු ඇන්ජලා .....අපට අපේ කියලා දරුවෙක් මේ රටින් ගෙනියන්න ඕන ලියකියවිලි ඔක්කොම හදලා තියෙන එකේ එහෙම කරමු..."

"ඔව් ඉතිං ,අපට වාසනාව නෑ අපේ දරුවෙක් දකින්න..මට හරි දුකයි ටෙරික් ....මගෙ අසනීප තත්ත්වය නිසා, ඔයාට ඔයාගෙ දරුවෙක් හදාගන්න තිබුන අවස්තාව නැති උන එක මට ලොකු දුකක්...."

ඇන්ජලා හා ටෙරික් ලංකාවෙන් ,එංගලන්තය බලා යෑමට ප්‍රථම ,අඳුනන වෛද්‍යවරයකු සමග, ළමා මඩමකට ගොස්, මාස තුනක් වයසැති ගැහැනු දරුවකු රැගෙන එංගලන්තය බලා ගොස් දැන් ....

💥අවුරුද්දක් ගත වි ඇත.....💥

.

#########

💥 *මේ අමුතු කොන්ත්‍රාත්තුවේ නිර්මාතෘ වන ඔස්ට්‍රේලියාවේ පදිංචි ,ශ්‍රී ලාංකික චතුරිගේ වතගොතත් අපි හොයලා බලමු.....💥

දරුවන් නැති ඔස්ට්‍රේලියානු ජාතික ජෝඩුවකට, ඔවුන්ගේම දරුවෙක් හද දීම සඳහා, ලංකාවේ අහිංසක ගාමන්ට් කෙල්ලක් අමාරුවේ දැමු චතුරි මේ වනවිට 💥මාස නමයක ගැහැනු දරුවෙක් ඇති මවක් වෙයි....💥

"අනේ ස්ටීව්...හංසනීට දැන් කොහොමද දන්නෙ නෑ.....මට බබා හම්බවෙන්න හිටිය නිසත්, දැන් බබාගෙ වැඩයි, ඔෆිස් වැඩයි ඔක්කොම නිසා, මට හංසනීට කෝල් එකක්වත් දෙන්න බැරි උනානේ...."

"ඇන්ජලා කිව්වනේ, ඒගොල්ලන්ගෙ ගනුදෙනු ඔක්කොම හොදට සිද්ද වෙලා, දරුවා ඇරන් ඒගොල්ලෝ එංගලන්තයට ගියා කියලා ....ඇයි ඔයාට ඇන්ජලා බබාගේ ඵොටො එකක් එහෙමත් එවලා තිබුනේ....එයා ඔයාට කෝල් එකක් දීලත් කතා කලානේ....."

"එහෙම නෙමේ ස්ටීව්....මට හංසනීට කෝල් එකක් දෙන්න බැරි උනානේ....ඔයා මගේ ඵෝන් එක නැතිකරායින් ලංකාවේ හැමෝගෙම ටෙලිෆෝන් නොම්බර ටික මට නැති උනා....පහුගිය කාලේ ලංකාවේ අයගෙ ටෙලිෆෝන් නොම්බර ටික් මට ආයෙත් හොයාගන්නත් බැරි උනා.....ඇයි දන්නෙ නෑ කීර්ති අය්යත් මට කෝල් එකක් දුන්නෙ නැත්තේ...."

"ඒගොල්ලො ඔක්කොම හොදින් ඇති චතුරි ....අපි අපේ බබා ටිකක් ලොකු උනාම ඔයාගෙ නෑදෑයින් බලලා එන්න ලංකාවට යමු ...."

"අනේ ඔව්,අපේ අම්මලා හරි ආසාවෙන් ඉන්නේ අපේ දරුවා දකින්න....මට ඇන්ජලාගෙ දරුවත් දකින්න හරි ආසයි ස්ටීව්.....හංසිනි ගැනත් ටිකක් හොයලා බලන්න ඕනේ....ඒ ළමයා ආයෙත් කසාඳ බදින්න යන නිසා, ඇන්ජලා කිව්ව්නේ කෝල් කරන්න එපා කියලා , ඒකයි මම එයාට කතා කරන්න උත්සහ නොකලෙත්....මොනව උනත් ඇන්ජලාලා දුන්න සල්ලි වලින් දැන් හංසිනි හොදට ඇති...."

"ඔයා බබා හම්බවෙන්න හිටිය නිසා මම ,මෙච්චර දවසක් ඔයාට කිව්වෙ නැති රහසක් තියෙනවා චතුරි ...."

"ඒ මොකක්ද ස්ටීව්....රහසක්....?ඇයි ඔයා මට රහස් හංගන් හිටියේ....ඇයි කිව්වෙ නැත්තේ....ඉතිං දැන්වත් මට ඒ රහස කියන්න ...."

"ඇන්ජලා ඔයාට එවපු පින්තූර වල හිටියේ හංසනීගෙ දරුවා නෙමේ...."

" හංසනීගේ දරුවා නෙමේ....ඒ කිව්වේ....? එහෙනම් කාගේ ළමෙක්ද....? ටෙරික්ගෙ ළමෙක්ද...?

"නෑ....ලංකාවේ ළමා මඩමක ළමෙක්.... "

"මඬමක ළමෙක්....? ඒ ඇයි...එතකොට හංසිනිට කියලා ඒගොල්ලෝ හදාගන්න ගිය ඒගොල්ලන්ගෙ ළමයා....?"

"ඒ ළමයා, සර්ව සම්පූර්ණ ළමයෙක් විදිහට හැදිලා නෑ...."

" නෑ.....ඒ කිව්වේ.....?අනේ දෙවියනේ .....ඉතිං , ඉතිං ....දැන් කෝ ඒ ළමයා ...?

"හංසනි ඒ ළමයව විශේෂ අවශ්‍යතා තියෙන ළමයි ඉන්න තැනක මඩමකට භාර දීලා...."

"මොනවා....ඇයි ඔයා මට මේවා මෙච්චර දවස් කිව්වෙ නැත්තේ...., එතකොට ඇන්ජලා දැනුවත්වද ඒ ළමයා , හංසිනි මඩමකට භාර දීලා තියෙන්නේ ....ඒ නිසාද ඇන්ජලා මට ,හංසනීට කතා කරන්න එපා කිව්වේ...."?

"ඊටත් වැඩිය ලොකු දෙයක් ...."

"ඒ කිව්වේ...?

"හංසනීට බබා හම්බවෙන්න සුමානයක් තියෙද්දි , ඇන්ජලයි ටෙරිකුයි ,බබා භාර ගන්න කියලා ලංකාවට ගියානේ....ඒ වෙලේ තමයි දැනගෙන තියෙන්නේ, හංසනීගෙ දරුවා මන්දබුද්දික දරුවෙක් කියලා.... ,ඉතිං ඇන්ජලයි, ටෙරිකුයි.... , හංසනීට, කීර්තිට කියන්නෙත් නැතුව තමයි , ළමා මඩමක දරුවෙක් ඇරන් එංගලන්තයට ගිහින් තියෙන්නේ , ඒවා හොරෙන් කරලා තියෙන්නේ ...."

"අනේ දෙවියන් ....ඇන්ජලාලා කොහොමද එහෙම දෙයක් කලේ....? එතකොට හංසිනි ගොඩක් අසරණ වෙන්න ඇතිනේ...."

"ඔව්...ඒවා ඔයාදැන ගනීවි කියලා තමයි ඇන්ජලා ඔයාට කියලා තියෙන්නේ , හංසිනි එක්ක් කතා කරන්න එපා කියලා ...."

"අනේ දෙවියනේ ...මම හිතුවෙ නෑ ඇන්ජලා ඔය තරම් නරක ගෑනු කෙනෙක් කියලා ....එතකොට හංසනියි, කීර්ති අය්යයි දැන් මාත් එක්ක කතා කරන්නෙ නැත්තේ තරහ වෙලා වෙන්න ඇති..., මෙච්චර කාලයක් මේවා ඇත්තටම මම දැනගෙන, ඒගොල්ලන්ට කෝල් කලේ නෑ කියලා ඒගොල්ලෝ හිතනවා ඇති....."

" ඔව්....ඇන්ජලා කරපු වැඩෙන් පස්සෙ ,කීර්ති ඔයත් එක්ක තරහ වෙලා, ඒකයි එයා ඔයාට කතා කලේ නැත්තේ.......කීර්ති දවසක් දෙකක් මට කතා කලා, මම කිව්වා ඒ දවස්වල ඔයත් අපේ බබා හම්බවෙන්න හිටිය නිසා, ඔයාට මේව කියන්න එපා කියලා..."

" ඔයා හරි කෙනෙක්නේ....මමනේ කීර්තිට කියලා හංසනීව, ඇන්ජලාට අදුන්නලා දුන්නේ, ඒ ළමයා අමාරුවෙ වැටුන වෙලෙ මම උදව් කරන්න එපෑ..... ඔව්...ඒක තමයි කීර්ති අය්යා මාත් එක්ක කතා කරේ නැත්තේ.....එතකොට අපි දැන් කවදා විතරද ලංකාවට යන්නේ ස්ටිව්.....මට ගිහින් හංසිනි හම්බවෙන්න ඕනේ, මගෙන් එයාට උන වැරැද්දට සමාව ඉල්ලලා, එයා වෙනුවෙන් මම මොනවා හරි දෙයක් කරන්න ඕනේ..., ...?

" තාම අපේ දුව පොඩි වැඩියිනේ චතුරි ..., එයාට අවුරුදු එකාහමාරක් විතර උනාම, අපි ඔෆිස් වලින් නිවාඩු ඇරන් ලංකාවට යමු....."

"මොනව උනත් ස්ටීව් මට දැන් මේ ඇන්ජාලාලගෙ ගෙදර නොමිලෙ ඉන්න හිතෙන්නේ නෑ.... අපේ අමාරුකාලේ ඇන්ජලාගෙ ග්‍රැනීගෙ ගෙදර හිටියනේ....දැන් අපට අපේ කියන්න ගෙයක් ගන්න පුලුවන් තත්ත්වයක අපි ඉන්නවානේ....එහෙව් එකේ අපි තව දුරටත් මේ ඇන්ජලාගෙ ගෙදර නොමිලේ ඉන්න ඕනෙ නෑ ස්ටීව්...... අපි පුලුවන් ඉක්මනට අපේ කියලා ගෙයක් ඇරන් පදිංචියට යමු....මට ඇන්ජලා කරපු බොරුව නිසා එයා එක්ක හරි කේන්තියි.....මට දැන් මේ ගෙදර නොමිලේ ඉන්න හිතෙන්නෙම නෑ....අපි ඉක්මනට ගෙයක් හොයා ගමු....."

ඇන්ජලා හංසනිට කල වැරැද්ද නිසාත්, ඇන්ජලා මට කල බොරුව නිසත්, මම ඇන්ජලාව ආශ්‍රය කරන එක නවත්තලා දැම්මේ බොහෝ ඉක්මණටය.... ඇන්ජලා මට කියපු බොරුව නිසා වන්නට ඇති, ඇය මට දැන් නිතර කතා නොකරන්නෙත්....,ඔවුන් ඔස්ට්‍රේලියාවට නොඑන්නෙත්....."

අපි හිතුවාට වඩා ඉක්මනට අපේම කියන්න පොඩි ගෙයක් බැංකු ණයක් දමා ගෙවා ගෙන යන්නට අපට මිලදි ගන්නට හැකි විය....

ස්ටීව්ගෙ හා මගේ දුවට දැන් අවුරුදු එකාහමාරට ලඟය. වැඩි කාලයක් නොයා, ලංකාවට ගොස්, අපේ දෙමව්පියන්ට, නෑදෑයින් යාළුවන්ට අපේ දරුවා පෙන්නන්නට යෑමේ බලාපොරොත්තුවෙන් මම දැන් පසු වෙමි..... ඒ ගමනේදී හංසිනි මුණ ගැසී ඇයට උදව්වක් කිරීමටත්, ඇය බිහිකල දරුවා දැකීමට යෑමත් මගේ බලාපොරොත්තුව වි ඇත.

-හෙට හමුවෙමු-

*ප්‍රිසිලා ගොඩහේවා *